HARDZAZAT, HARDSALAT?
2024
Daba, Hard7z9at w t7erko bzaf social medias bsbab la communication 3la l’edition dial 2025 mnb3d magalo lch3b bli maghadich tb9a Hardzazat 3lawed bzaaaaf dmachakil li traw mabin les editions 7ta tfertkat la communauté. Had lfestival kan ki tdar bwahed tari9a li DIY (Do it Yourself) ma kanoch ki chedo les fonds, walakine ki ma glna, kan ki tbna mn des concerts de soutiens li kano ki tdaro flmghrib w 3la bera bach i kheliw lmoussem free, w ki mchiw taaaal sa7ra w ki tl3o des scènes byedihom w brejlihom b kol ti9a fnfss w fuck li ma 3jbo 7al. Kola 3am kano ki traw machakil, 7aja katzad 3la lokhra wlkn chnahia had l9etra dlma li khelat lkesskass i fid ? w wach lguerab ma chafch hadchi jay?
kola w fin mlyo7, chefna des histoires dial flouss, dial istighlal, dial 3ibadat al boyed, dial chefra w dial rape. aw, wach hadchi kamel tari flmghrib w 7na mafkhbarnach ?
Anrej3o l 2023, akhir edition li trat dial Hardzazat. Daba had festival 3endo 2 sections li independent wehda mn lokhra: Hardzazat (section Hardcore) w Idn T3alin (section feministe). Had l edition tdart bwahed les moyens li 9lal bzaf 7it m3a lwe9t, la team dial lfestival sgharet bzaaaf, w hadi awel edition fin ki telbo des fonds mn berra, w aslan dok les fonds kano khossossan mokhodin l Iddn t3alin. Anyhowhow, tkhado des fonds l Idn Taalin w t organiza l fest f wahed lkwan w mnb3d part 2 hardzazat f ouarzazat ki ma l3ada. Khdaw des fonds bach i bniw jami3 anwa3 soholat lbnadem b7al toilette bach matkhrach fl2ard, les scenes w ila akhirih, aslan kano les fonds 9lal ldarajat kano ki telbo les artistes i jibo les tentes dialhom bach i l9aw fin i bato 7itach : LKHLA.
Traw chi machakil f Idn Taalin wlkn kan groupe soudé w khraw bd7k 3la dakchi li tra flbla w daz kolchi mzian, ama mli weslo l hardzazat, bdat kat khelet d3wa w bdaw lmachakil. Had l’affaire mkhlta fiha bzaf dl7wayej mabin personnel w professionnel w accidentel w lcancel w dakhel fihom 7ta lcolonel w lpresidentiel 7ta dakchi wela bechamel.
L’organisation aslan aslha mkherbe9, w kolo w les besoins dialo w bzaf dnass 7esso bli les besoins dialhom ma kanoch pris en considération. andwiw 3la no9ta b no9ta :
Chnahoma les principes dial Hardzazat ?
/ / decolonisation / / anti-fascism / / communism / / autonomy / / anarchism
brother, had les principes look very good on paper, walakin kifach kat rebi nass into this way of living, mli awel kelma katchof f siteweb hoa Chaos in North Africa... Systemic Chaos is a principle, that people should be educated about, chaos makat3nich anbelbloha w nhersso kolchi w li dialek diali w ila mabghitich t3tini ankhesser lmok wejhek, kat3ni bli kat jereb tkhl9 wahed now3 dial l’organisation li mkhtalfa 3la system capitalist li ki jerbo i dekhlona lih se7a.
w hna kan rej3o lmachakil li traw :
Des histoires dial flouss :
bnadem j3er 7itach chaf bli tkhado des fonds w les artists kaytdeplassaw tal zok donia w ma waklin walo. wa khoti ntoma li khtarito Hardzazat, rako 3arefin it’s a free fest, tawahed ma ki kheless w ta wahed ma ki tkheless. sir t9ra 3la les principes dial lfestival 3ad chof wach baghi nta tparticipe wla la. hadi nta ka artist.
3awtani, inside l’orga dial lfestival, kan dakchi machi clair. Kano des fonds ki mchiw b3d lmerrat fdes interet perso. Kano chi 7wayej ma kitdeclarawch l la team completement et directement w hadchi ki khl9 machakil. Mli kat kon khedma communautaire, 7ssn tkon la transparence total mabin nass, wakha hadchi ki tlb bzaf dial understanding w tehbat lkwari, w l ego death w trust w courage. Had l3iba 7aja mn l3ibat li khelat les membres i fe9do ti9a dialhom fl l’festival w i kherjo wahed mora wahed.
Des histoires dial istighlal :
Kalimat istighlal kalima kbira walakin anjerbo ndiro la part des choses. 7itach had lfestival ma dakhelch fih ha insane wahed, wakha lwra9 w lvideowat ki kheliwna nfekro btari9a okhra, 7it kan wahed sat li porte parole, w had sat f7ala skhen 3lih rasso m3a lwe9t. ma b9ach 3aref kifach i t3amel. Oula les egos mtayfin. God knows.
Kano ki tl3o hardzazat out of love, w m3a lwe9t welat katl3 bach tjaweb lwahed les besoins dial une petite clique dial nass mabin dak team kamla. Kano 2 anwa3 dial stighlal.
1 : Stighlal dial lgwer for their knowledge and material _ li tab3a l decolonisation
2: Stighlal dial le projet bach itl3o des projet akhrin.
Hoa sara7a had lstighlal makhayebch bzaaaf hir, le principe dial communauté contre le fait que wahed l7aja tkon ghi 3la l’interet dial insane wahed, walakin la 9editi tbni chi 7wayej li ay kono mzyanin lbezaf dnass, 3lach la ?
Des histoires dial 3ibadat l boyed :
kano ch7al hada solotat ki 7ebsso les festival 3la wed “3ibadat shayatin” w liouma che3b ki 7bsshon 3la “3ibadat lboyed”... Sowelna lmgharba w sowelna tal gwer 3la la situation li kano homa fiha flw9ita dial festival w galolina bli ana lmgharba kano 3ndhom biout mkheltin m3a lgwer w chi mgharba okhrin kan khasshom les tentes diawlhom ( kan hadro 3la les artistes) w apparement, tbooka chi hotel lchi nass specifique li kano jayen mn berra. 3lach had separation? allahoya3lam. Kayenin gwer li jaw lmghrib mn jibhom, btyarthom wla les vans dialhom donc le transport kan b7ssabhom, jabo lmateriel dialhom w they shared with moroccans, la lmateriel wla knowledge. w le concept a la base kan bli ana lboyed li ki jiw i kono wa3yin ble privilege dialhom w i khedmo en fonction de ça.
Mli kan dwiw 3la festival decolonial, kan dwiw 3la decolonisation dial system, machi dial l’individu, w bhad l’move, khelaw l’festival i ban colonized, mli kat 7gru lmgharba pour les interets dial lgwer, you lose your values.
W khassna nssaw chwya lmosta3mir mn wahed na7ia. Ah sta3mrona, ah kherejnahom physically walakin let’s face something real : The whole world is colonized to the core of our own daily consumption by the USA. We feed them with their system and we let them win our lives. So if you wanna fight a colonizer, fight the strong one, 7it men had jiha, l3alam kamel slave.
Mli kan golo decolonisation, kan dwiw 3la decolonisation systemique w ideologique machi individuel bi ma3na machi 7itach wahed lbchra dialo byeda wla ke7la wla zer9a anana an7ekmo 3lih bwahed nedra w 7na makan3rfoch, walakine an7ekmo 3lih 3la tassarof dialo ila kan tassarof dial lmosta3mir.
At some point, Kant wahed lfikra kat dor dial i7ebsso lkhedma m3a lboyed, 7itach kano ki jiw w kano conscious bli they come to a decolonize fest wlkn kano chi whdi akhrin li ki tkhbaw wra dak lfikra w ki staghlo lblan ka their own vacations w a way to sell their shit. W 7ta chi mgharba kano ki dekhlo m3ahom f l3b dialhom, i tb3ohom 3la les vans dialhom w dakchi li kan 3ndhom fles van w yjiw i sebohom f dherhom: hypocrisy. Wlkn had lfikra matdaretch 7itach kan ki tkhl9 wahed lpartage mabin lcultures. Kayen support li ki tkhl9 mabin nass mn l3alam kamel w dak support hoa li ki khl9 love w lwa3i.
Des histoires dial chefra :
Had l3ibat hado, 3mrhom kano flmoussem 7ta l l3am li fat. wlkn rah nadedt 9rbala. Hardzazat kay khasso i jiw lih nass li educated 3la l’anarchy, walakine l’image dial lfestival tbdelat m3a lwe9t w khdat wahed l’image li dazet mn festival anarcho l festival drogado w hadchi 7itach lblad 3amer b bnadem ma 9arich w 7a9ed.... little to no care about chi 7aja smyetha education 7itach kat linka lmedrassa machi l le fait bli kat 3elem 7wayej bach t touwer w tfhem chi 7wayej f denia w i tzad fik esprit critique. w 7ta fwest l festival, bnadem kan ki zape les workshops bach i mchi i tmzk w i dreb drebto, what do you expect ? Nedra dial lfestival tbdlat donc nass li ay bghiw i jiw ay tbdlo ta houma. w ja khoroto bzayed dak l3am.
Des histoires dial rape :
Hadi jaya men 9elt sexual education w 9owt lkebt li 3endna flblad, w 7ta rjal kay tss7ablihom wach ga3 l3ialat diawlhom, a rebi wach rj3na ljahilia? wach makatchofoch mra t9dr tkon mkom wla khetkom ? Traw machakil inside the team w allahoma ghfirlana. had l3iba hadi khelat team tfertek to the bone w tkhl9 des cliques inside lcommunauté - le point li mohim hoa tkon mssa7eb m3a sata wla la, sa n’empeche que ma3endekch l7e9 t9issha ila ma bghatch.
No sex without consent 🙏.
No sex with manipulation 🙏.
Sara7a, mabin les workshop li tdaro, kan khasso i tdar chi workshop wla talk 3la sexual education w 3la drug abuse, bach twe3i nass 3la chno kidiro w bach safe space i b9a safe.
Des histoires dial security na9ssa :
heheh, lekher, ma3rftch wach bghit ndwi 3la hadchi wla la, walakin, 3emerha ma kant chi secu f hardzazat w 7esso biha had l3am li daz, fin traw bzaf dmachakil w ma kanch ta chi tbib wl chi wahed capable i dir les soins de premier secours en cas de probleme, w had l3iba rah s3iiiibaa......
Kant ta wehd l9adyia dial security bnissba lsatat li kant creawha section feminist f edition 2018 dial lmoussem, li tdaret mabin satat w queer people bach i 7arbo ta7arouchat w mo7awalat lghtissabat li kano ki tdaro west lfestival. Bnaw khima fin, 3kss les editions li dazo 9bl, satat li hzo lfass w lbala w 7fro west 7jr Ouarzazat bach i khel9o espace safe w non mix. W had l3iba security lwahida li kant fl festival.
Des histoires dial lwjeh :
Ki ma gelna flouwel, le concept dial lmoussem kan khasso i b9a concept. Kant lfikra hoa i b9a l’festival machi lié lwjeh walakine kola mera bnadem i tbedel w tb9a lfikra katdor bin bnadem li ki amen bnfss l7aja. Bhad tari9a kat kheli wahed l7aja t3ich bla matkon une appropriation dial lconcept par bnadem w matkhl9ch une attache 3la nass.
Walakin mli kat bghi tdir chi 7aja, darori system ki tb3k, w kan khass chi wahed li ki sni w li ki dwi, w dak le role, khdah trés au sérieux.
Yimken lmochkil li khela Hardzazat tmout hoa le fait que had lwjeh hada matbedelch mn ch7al hada w b7ala tkhel9at solta 3la team wla communauté li hia ma3ndhach m3a solotat.
Lmachakil ktar w s3ib lioum hardzazat trj3 hardzazat li kant. Wakha l’festival tdegrada m3a lwe9t, lmoussem khle9 des moments zwinin dial partage w de7k w des espaces dial création w t3bir w safe space fles editions louwlin. Tbdalt nedra w tfkir dial bzaf dnass li participaw l festival soit ka organiser soit ka participant bwahed tari9a li zwina, li kbrat lihom lwa3i w khel9at fihom respect. M3a lwe9t, l ideologie de base dial festival mchat w mchaw m3aha des idées w b9aw ha chi nass 9lal. Tzad lack dial wa3i bnissba la vie en commu, privileges and how to live with a privilege, drug abuse, sexual education w ila akhirin. Unfortunatly, la plus part des membres actifs 7e9do 3la hardzazat w majawch des membres jdad li m2amnin blfikra w fga3 les raisons li khelawhom i nass lowlin y 7e9do, dakhel fihom lwjeh dial Hardzazat.
Hadchi ki khelina ntsa2lo 3la le fonctionnement dial une communauté f3ahd lcapitalisme w chnahoma les methodes de gestion de conflits li khasshom i tst3mlo wesst une communauté. Bayna bli festival may9drch i tl3o insane wahed w bla la communauté rah makayen walo 7itach yid wehda makatssefe9ch.
Yimken khassna une redefinition dial l’anarchy w une création de regles li ay kono decided by everyone w li kolchi mtafe9 3lihom w ki 7taremhom li ki jem3o une communauté bla matdkhl fles liberté individuelles dial kola wahed 7it ki ma ki golo, la liberté de l’un s’arrête quand celle de l’autre commence, w freedom and rules i 9dro i mchiw yied fl yied.
_GODIVA
ADD A COMMENT